Overçuk: "Rusiya-Azərbaycan sərhəd hissəsi ilə yük dövriyyəsi 13 % artıb » AzadMedia.az

Bu ilin birinci yarısında Rusiya-Azərbaycan sərhəd hissəsi ilə yük dövriyyəsinin həcmi 13 % artaraq 6,8 milyon ton təşkil edib.

Bunu ölkənin Baş nazirinin müavini Aleksey Overçuk Bakıda Azərbaycan, Rusiya və İran hökumət nümayəndələrinin üçtərəfli görüşündə bildirib.

"Rusiya-Azərbaycan dövlət sərhədində yerləşən avtomobil keçid məntəqələrinin buraxılış qabiliyyətini beş dəfə - gündəlik 400-dən 1 900 yük nəqliyyat vasitəsinə qədər artırmağa imkan verən tədbirlər gördük. Novo-Filya, Tahirkənd-Qazmalar və Yaraq-Qazmalar avtomobil keçid məntəqələrinin yenidən qurulmasından sonra Rusiya tərəfində yük nəqliyyatı üçün ümumi buraxılış qabiliyyəti gündə 3 min nəqliyyat vasitəsi təşkil edəcək", - o bildirib.

A.Overçuk qeyd edib ki, bu ilin yeddi ayı ərzində Azərbaycandan Rusiyaya idxal 9,5 % artaraq 742,4 milyon ABŞ dolları təşkil edib.