Vaşinqton, 13 oktyabr, AZƏRTAC
ABŞ Prezidenti Donald Tramp İsrailə yola düşüb. AZƏRTAC-ın məlumatına görə, o, oktyabrın 13-də Təl-Əvivdə azad edilməsi planlaşdırılan girovlar və ailələrlə görüşəcək. Daha sonra ABŞ Prezidentinin Knessetdə çıxışı nəzərdə tutulub.
Ardınca o, Misin Şarm-əl-Şeyx şəhərinə yollanacaq və Yaxın Şərq Sülh Sammitində iştirak edəcək.
Səfər həmin gün başa çatacaq.
Məlahət Nəcəfova
AZƏRTAC-ın xüsusi müxbiri
Vaşinqton
