Serbiya millisinin baş məşqçisi Draqan Stoykoviç istefa verib. Msport.az xəbər verir ki, o, DÇ-2026-nın seçmə mərhələsinin Albaniya ilə oyunundan (0:1) sonra bu addımı atıb.
“Mən artıq federasiya prezidenti ilə və baş katiblə danışmışam. Artıq istefamı onların nəzərinə çatdırdım. Şəxsən mən belə məğlubiyyət gözləmirdim. Bütün məsuliyyəti öz üzərimə götürürəm və gedirəm” – Stoykoviç belə deyib.
O, 2021-ci ilin martından Serbiya yığmasına rəhbərlik edirdi. Serblər Stoykoviç rəhbərliyi altında DÇ-2022-də və AÇ-2024-də iştirak ediblər.
Serbiya millisi hazırda K qrupunda 5 oyundan 7 xalla 3-cü yeri tuturlar.
