BAKI, 11 oktyabr. TELEQRAF
Moskva Tehrana İsrailin Baş naziri Benyamin Netanyahunun mesajını çatdırıb ki, yəhudi dövləti İranla müharibəni bərpa etməkdə maraqlı deyil.
Teleqraf xəbər verir ki, bu fikirləri İranın xarici işlər naziri Abbas Əraqçi deyib.
"Üç-dörd gün əvvəl Putinlə Netanyahu arasında telefon danışığı olub. Ertəsi gün Moskvadakı səfirimiz prezident administrasiyasından Netanyahudan ölkəmizlə yeni müharibə istəmədiyini bildirən mesaj aldı", - o, vurğulayıb.
