Gəncədə ilk dəfə aerobika gimnastikası üzrə Avropa çempionatı keçiriləcək.
Azərbaycan Gimnastika Federasiyasından Paralel.az -a verilən məlumata görə, qitə yarışında 17 ölkədən gimnastlar qalib adı uğrunda mübarizə aparacaqlar.
Noyabrın 9-dan 11-dək yeniyetmələr və 15 yaşadək idmançılar, 14-dən 16-dək isə böyüklər qüvvələrini sınayacaqlar.
Avropa çempionatı Gəncə İdman Sarayında baş tutacaq.
