Bakı, 11 oktyabr, AZƏRTAC
Gəncə ilk dəfə aerobika gimnastikası üzrə Avropa çempionatına ev sahibliyi edəcək.
Azərbaycan Gimnastika Federasiyasından AZƏRTAC-a verilən məlumata görə, noyabrın 9-dan 16-dək 17 ölkədən ən güclü gimnastlar ölkəmizə toplaşaraq, kubok uğrunda mübarizə aparacaqlar.
Turnir noyabrın 9-dan 11-dək yeniyetmələr və 15 yaşadək idmançılar, 14-16 noyabrda isə böyüklər arasında təşkil olunacaq.
