Üç dəfə “Qızıl top” mükafatını qazanan və “Yuventus”un sabiq futbolçusu Mişel Platini VAR sisteminin futboldakı tətbiqi ilə bağlı sərt fikirlər səsləndirib.
90deqiqe.Az xəbər verir ki, “La Gazzetta dello Sport” sabiq futbolçunun dediklərini belə çatdırıb.
“Əgər mən FIFA prezidenti olsaydım, VAR mövcud olmazdı. Futbolun problemləri başqadır. Futbolu insaniliyi ilə saxlamaq lazımdır. VAR-ı yalnız ofsayd vəziyyətlərini müəyyən etmək üçün saxlayardım. Qalan hər şey interpretasiyadır. Ona görə hakimlərə oyunu futbol qaydalarına uyğun olaraq interpretasiya etmək imkanı verməliyik”
Qeyd edək ki, VAR (Video Assistant Referee) sistemi 2018-ci ildə beynəlxalq turnirlərdə sınaqlardan sonra tətbiq olunub və dünya üzrə geniş yayılıb.
