Bakıda ilk dəfə çoxmərkəzli inkişaf modeli yaradılacaq.
Operativ Media xəbər verir ki, bu barədə AzTV-nin hazırladığı reportajda Bakı Memarlıq və Şəhərsalma Baş İdarəsinin rəisi Riad Qasımov açıqlama verib.
Bildirilib ki, paytaxtda ilk dəfə tətbiq ediləcək “çoxmərkəzli model” layihəsi Bakı şəhərinin Baş planı əsasında həyata keçiriləcək.
Qeyd edilib ki, layihə çərçivəsində Mərdəkan, Sabunçu, Hövsan, Lökbatan və digər ərazilərdə yeni infrastruktur mərkəzlərinin yaradılması planlaşdırılır.
Onun sözlərinə görə, hər bir mərkəzin öz inkişaf istiqaməti olacaq və əsas məqsəd şəhərdaxili gündəlik miqrasiyanın azalması, nəqliyyat sıxlığının azaldılması və paytaxtın balanslı inkişafının təmin edilməsidir.
