Telegram, WhatsApp (Meta Platforms Inc.* ekstremist təşkilat elan edilib) və digər mesajlaşma proqramları Qərb xüsusi xidmətləri və hökumətlərin əlində alətə çevrilir.
NOCOMMENT.az xəbər verir ki, bu barədə ABŞ Milli Təhlükəsizlik Agentliyinin (NSA) keçmiş əməkdaşı Edvard Snouden NTV kanalına müsahibəsində bildirib.
O vurğulayıb ki, son illərdə iri mesajlaşma proqramlarına senzura tətbiq etmək, məlumatları xüsusi xidmətlərə və kəşfiyyata ötürmək tələbləri artırılıb.
“Bu onlar üçün böyük problemdir, çünki mesajlaşma proqramları və sosial şəbəkələr bütün ölkələrin qanunlarına əməl etməkdə maraqlı deyillər. Onlar Qərb ölkələrinin xüsusi xidmətləri ilə əməkdaşlıq etməyə və məlumat verməyə hazırdırlar, və bu əməkdaşlıq nəticəsində Qərb bloku olmayan ölkələr bərabərsiz vəziyyətə düşür”, – Snouden qeyd edib.
