Dünən paytaxtda 2 qadının meyiti tapılıb.
News24.az -ın əldə etdiyi məlumata görə, oktyabrın 9-u saat 09 radələrində tüfeyli həyat tərzi keçirən Bakı şəhər sakini 1989-cu il təvəllüdlü Mariya Sergeyevna Feoletovanın meyiti Səbail rayonu Salyan yolu 12 ünvanının qarşısında tapılıb.
Digər hadisə isə Nəsimi rayonunda baş verib. Saat 22 radələrində 1939-cu il təvəllüdlü Cülyetta Nadirovna Əliyevanın meyiti Q.Quliyev küçəsi, ev 24, mənzil 13-də tapılıb.
Meyitlər üzərində zorakılıq əlaməti aşkarlanmayıb.
Baş vermiş ölüm faktları ilə əlaqədar araşdırma aparılır.
Yaşar Araz
