“Mançester Siti”nin hücumçusu Erlinq Haaland çıxış etdiyi İngiltərə Premyer Liqasının 23 stadionundan 22-də qol vurub.
90deqiqe.Az xəbər verir ki, norveçli oyunçu 7-ci turda “Brentford”la səfər görüşündə komandasına minimal qələbə qazandırıb.
“Brentford”la oyunda Haaland ilk dəfə “GJTEK Community” stadionunda fərqlənib. Hazırda Premyer Liqada yalnız bir stadion — “Liverpul”un ev sahəsi olan “Enfild”də onun qol vurmadığı qalır.
Cari mövsümdə 25 yaşlı Haaland 7 oyunda iştirak edib, 9 qol vurub və 1 məhsuldar ötürmə edib.
Qeyd edək ki, “Mançester Siti” Premyer Liqanın 25-ci turunda 7 fevral 2026-cı il tarixində “Liverpul”la “Enfild”də qarşılaşacaq.
