16 illik hakimiyyətdən sonra 2021-ci ildə təqaüdə çıxan və uzun müddət diqqət mərkəzində olmayan Almaniyanın keçmiş kansleri Angela Merkelin qalmaqallı açıqlaması...
Macarıstanın “Partizan” qəzetinə danışan Merkel, Polşa və Baltikyanı ölkələrin rəftarlarının Moskva ilə Avropa Birliyi arasında diplomatik kanalların bağlanmasına səbəb olduğunu müdafiə edərək, bu vəziyyətin müharibəyə yol açdığını iddia edib.
Merkel çıxışında Minsk razılaşmalarını xüsusi vurğulayaraq qeyd edib ki, 2014-cü il Minsk I sazişi Rusiya, Ukrayna və separatçı Donetsk-Luqansk bölgəsinin nümayəndələri arasında atəşkəs yaradıb. Merkel 2015-2021-ci illər arasında sabitliyin əldə edildiyini və bu müddət ərzində Ukraynanın güclənmək imkanının olduğunu bildirib.
