Kreml ABŞ prezidenti Donald Trampın Rusiya prezidenti Vladimir Putinin strateji hücum silahları təklifini yaxşı ideya adlandıran bəyanatına münasibət bildirib.
APA-nın Moskva müxbiri xəbər verir ki, Rusiya prezidentinin mətbuat katibi Dmitri Peskov Kremlin Trampın Putinin strateji hücum silahları təklifini yaxşı ideya adlandıran bəyanatını alqışladığını söyləyib.
Onun sözlərinə görə, ABŞ prezidentinin sözləri Vaşinqtonun bu təşəbbüsü dəstəkləyəcəyinə ümid etməyə əsas verir.
Qeyd edək ki, Rusiya strateji hücum silahlarının azaldılması və məhdudlaşdırılması haqqında - START müqaviləsinin müddəti bitdikdən sonra daha bir il müddətində məhdudiyyətlərə əməl etməyə hazır olduğunu açıqlayıb. Rəsmi Moskva Rusiyanın START müqaviləsinə daha bir il əməl etməsi üçün ABŞ-ın da eyni mövqeyinin lazım olduğunu bəyan edib.
