İngiltərə Premyer Liqasının VII turu çərçivəsində “Brentford” öz meydanında “Mançester Siti”ni qəbul edib.
90deqiqe.Az xəbər verir ki, “Jitek Kommuniti” stadionunda baş tutan qarşılaşma qonaqların 1:0 hesablı qələbəsi ilə yekunlaşıb.
Oyunda yeganə qolu “şəhərlilər”in norveçli hücumçusu Erlinq Haland 9-cu dəqiqədə vurub.
Bu nəticədən sonra “Brentford” 7 xalla 16-cı, “Mançester Siti” isə 13 xalla 5-ci pillədə qərarlaşıb.
Növbəti turda “Brentford” **20 oktyabrda səfərdə “Vest Hem Yunayted”**lə, “Mançester Siti” isə **18 oktyabrda doğma meydanda “Everton”**la qarşılaşacaq.
