BAKI, 4 oktyabr. TELEQRAF
BMT Baş katibi Antonio Quterreş HƏMAS-ın əsirləri azad etməyə hazır olduğunu müsbət qiymətləndirib.
Teleqraf xəbər verir ki, bu barədəBMT-nin Baş katibinin sözçüsü Stefan Dujarrik məlumat verib.
“Baş katib HƏMAS-ın əsirlərin azad olunması və ABŞ Prezidenti Donald Trampın son təklifinə əsaslanaraq hərəkət etməyə hazır olması bəyanatını alqışlayır və bu təşəbbüsdən istifadə edərək Qəzza münaqişəsinə son qoymağı tövsiyə edir”, - Dujarrik bildirib.
BMT HƏMAS və digər tərəflərlə əməkdaşlıq edərək atəşkəsin təmin olunması, humanitar yardımların çatdırılması və əsirlərin azad edilməsini dəstəkləməyə hazırdır. HƏMAS həmçinin Qəzza sektorunun idarəsini müstəqil texnokrat orqana verməyə razılıq göstərib.
