ABŞ prezidenti Donald Tramp Qəzza razılaşması üçün son tarix təyin edib.
AFN.az xəbər verir ki, o, bu barədə oktyabrın 3-də "Truth Social" platformasındakı şəxsi səhifəsində məlumat verib.
"HƏMAS-la razılaşma bazar günü axşam (5 oktyabr-red) Vaşinqton vaxtı ilə saat 18:00-a qədər əldə edilməlidir", - deyə Tramp yazıb.
Amerika lideri qeyd edib ki, HƏMAS uzun illərdir Yaxın Şərqdə təhlükə yaradır. O əlavə edib ki, Qəzzada qalan HƏMAS əsgərlərinin əksəriyyəti artıq mühasirəyə alınıb və tələyə düşüb.
Tramp açıqlamasında həmçinin fələstinli mülki vətəndaşları Qəzzanın daha təhlükəsiz bölgələrinə təxliyyə etməyə çağırıb.
