“Mançester Yunayted” qış fasiləsində bir neçə yoxlama oyunu keçirməyi planlaşdırır.
90deqiqe.Az-ın "Tribal Football"a istinadən məlumatına görə, “qırmızı şeytanlar” Səudiyyə Ərəbistanına səfər edərək yerli klublarla qarşılaşacaq.
İngiltərə klubunda hesab edirlər ki, mümkün tur maliyyə baxımından sərfəli olacaq. Həmçinin komanda Avropa kuboklarında iştirak etmədiyi üçün əlavə oyun təcrübəsi qazanacaq.
Qeyd olunur ki, “Mançester Yunayted” bu səyahətdə portuqaliyalı hücumçu Kriştiano Ronaldunun çıxış etdiyi “Əl-Nəsr”lə da qarşılaşa bilər.
Hazırda Premyer Liqanın altıncı turundan sonra “qırmızı şeytanlar” 7 xal toplayaraq turnir cədvəlində 14-cü yerdədir.
