Azərbaycanda bu bölgələrdə zəlzələlər ola bilər

"Türkiyədə son günlərdə hiss olunan güclü zəlzələlər baş verir. Əvvəl də qeyd etmişdim ki, Türkiyə ərazisi uzun müddət bu cür zəlzələlərə məruz qalacaq. Bunun geodinamik, tektonik və geoloji səbəbləri var. 2023-cü ildə baş verən güclü zəlzələdən sonra yerin dərinliklərində baş verən hərəkətlər dəyişib, seysmik durum səngimir və bu, hələ də davam edəcək".

Bunu Demokrat.az-a açıqlamasında seysmoloq Qulam Babayev deyib. O bildirib ki, əgər Türkiyə regionunda bu cür zəlzələlər baş verirsə, ətraf regionların sabit qalması mümkün deyil:

“Təbii ki, İran ərazisi silkələnəcək, Gürcüstan silkələnməyə məruz qala bilər. Çünki bu ocaqlar hamısı bir-birinə bağlıdır. Seysmologiyada seysmik ocaqların miqrasiyası adlı bir anlam var. Bu da bir amildir. Seysmik ocaqlar yerlərini dəyişirlər.

Bütün bu seysmik aktivlikdə Azərbaycan sabit qala bilməz. Azərbaycanda da müxtəlif ocaqlar var. Lakin digər regionlara nisbətdə o dərəcə intensiv deyil ki, güclü və dağıdıcı zəlzələlər baş versin. Hiss olunan zəlzələlər qaçılmazdır. 3-5 maqnitudalı zəlzələlər baş verə bilər. Xəzər dənizi, Şamaxı-İsmayıllı ərazisi aktivdir, Oğuz-Qəbələ, Quba-Şabran, Talış seysmik zonası da aktiv zona sayılır".

Cavidan Mirzəzadə
Demokrat.az

Azərbaycanda bu bölgələrdə zəlzələlər ola bilər — Seysmoloq

Hesaba daxil ol

Qeydiyyatdan keç

Şifrəni bərpa et