“Evdən işləmək” doğumun artmasına kömək edir.
AzPost bildirir ki, bu barədə ABŞ-ın Stanford Universiteti (LSJU) tərəfindən aparılan araşdırmada deyilir.
İqtisadçı Nikolas Blum 38 ölkədən alınan məlumatları təhlil edərək müəyyən edib ki, hibrid iş cədvəli uşaq sahibi olma şansını artırır. Həftədə 1-2 gün evdən işləyən cütlərin bunu etmək üçün daha çox imkanları olur.
Hibrid iş qrafikinə keçid ABŞ-da hər il təxminən 100.000 doğum əlavə edə bilər ki, bu da əhəmiyyətli iqtisadi fayda gətirir. Məsafədən iş bütün demoqrafik problemləri həll etməsə də, bu, valideynlərə karyeralarını və şəxsi həyatlarını daha yaxşı balanslaşdırmağa kömək edir.
