BAKI, 1 oktyabr. TELEQRAF
“Beş ölkə ilə kiçik modul tipli Atom Elektrik Stansiyasının (AES) tikintisi ilə bağlı danışıqlar aparırıq”.
Teleqraf xəbər verir ki, bunu Ermənistan Baş naziri Nikol Paşinyan deyib.
“Bu mövzuda 5 tərəfdaşla dialoqumuz var və bu söhbətlər praktik xarakter daşıyır. İşçi qruplarımız görmək, öyrənmək və araşdırmaq üçün müxtəlif yerlərə səfər edir və ya edəcəklər. Yaxın 1-2 il ərzində qərar qəbul edib müqavilə imzalamalıyıq və bunun nə geosiyasi, nə də xarici siyasət konteksti olacaq”, - baş nazir bildirib.
