UEFA Çempionlar Liqasının qrup mərhələsində Bakıda keçiriləcək “Qarabağ”–“Kopenhagen” oyununa hakim təyinatları açıqlanıb.
90deqiqe.Az xəbər verir ki, II turun qarşılaşmasını Niderlanddan olan hakimlər briqadası idarə edəcək. Matçın baş hakimi Sərdar Gözüböyük olacaq. Ona yan xətt hakimləri Ervin Zeynstra və Patrik İniya kömək edəcəklər. Dördüncü hakim funksiyasını isə Yannik Van Der Laan yerinə yetirəcək. VAR-da Yerun Manşot, ona köməkçi kimi isə Rob Diperink təyin olunub.
Xatırladaq ki, oyun oktyabrın 1-də Tofiq Bəhramov adına Respublika Stadionunda keçiriləcək və saat 20:45-də başlayacaq.
