PSJ hücumçusu Usman Dembelenin bu həftə bərpa prosedurlarından keçmək üçün Qətərin Doha şəhərinə yollanacağı açıqlanıb.
Publika.az xəbər verir ki, o, "Aspetar" xəstəxanasında müalicə olunacaq.
Fransa klubu bu tibbi mərkəzdən tez-tez futbolçuların zədədən sonra bərpa prosesi üçün istifadə edir.
28 yaşlı fransalı oyunçu sentyabrın 5-də Ukraynaya qarşı keçirilən 2026 dünya çempionatının seçmə mərhələ oyununda (2:0) zədələnib. Ona sağ ayağının arxa hissəsinin əzələ yırtığı diaqnozu qoyulub.
