Mütəxəssislər beynin fəaliyyətini gücləndirən və yaddaşı dəstəkləyən 8 faydalı qidanı açıqlayıb.
Pravda.az həmin qidaları təqdim edir:
Somon — DHA və omega-3 ilə beyin hüceyrələrinin qorunmasını dəstəkləyir.
Brokoli — sülforofan və K vitamini ilə yeni sinir hüceyrələrinin yaranmasını təşviq edir.
Acı şokolad — qan dövranını artırır, diqqət və reaksiya sürətini yaxşılaşdırır.
Qoz — DHA və melatonin ehtiva edərək həm beyin funksiyalarını, həm də yuxu keyfiyyətini dəstəkləyir.
Sarıkök — kurkumin sayəsində beyin sinapslarını gücləndirir, iltihabı azaldır və dopamin, serotonin səviyyələrinə təsir edir.
Sümüklü bulyon — mineral mənbəyi olaraq bağırsaq sağlamlığını dəstəkləyir, bu da beynin enerji balansına dolayısı ilə təsir edir.
Yumurta — sarısında kolin var; bu maddə yaddaş və sinir ötürülməsində rol oynayır.
Qəhvə — kafein və polifenollarla diqqəti artırır, beyni iltihabi proseslərdən qoruyur.
Əminə Bayramova
