Şahzadə Harrinin həyat yoldaşı, aktrisa Meqan Markl iş yerində həddindən artıq nəzarətinə görə ittiham olunub...
Poliqon xəbər verir ki, bu barədə "Page Six" məlumat yayıb.
Realliti-şou ulduzu Stassi Şreder Məkan Marklla mübahisə edib. O, Marklın onu sonuncu təşkil olunan əyləncəyə piar-menecer kimi dəvət etmədiyini bildirib və bundan sonra onunla işləməkdən imtina edib. Şreder həmçinin Məkan Marklı "nəzarət dəlisi" adlandırıb və aktrisa Bleyk Layvli ilə müqayisə edib.
Şreder açıqlamasında bunları deyib: "Onu heç kim müdafiə etməyəndə, mən bunu edirdim. Videolar çəkir, hər mövzuda şərh yazır, bütün piar gücümü işə salırdım. Sosial şəbəkələrdəki davranışına baxanda elə təsir bağışlayır ki, o, 2017-ci ildə ilişib qalıb və məni sadəlövh realist hesab edir. Mən belə düşünürəm və əsəbləşmişəm, bu son damla oldu. Mən artıq onun şousuna baxmıram".
10 sentyabrda Londonda şahzadə Harri ilə Böyük Britaniya kralı III Çarlz arasında son 19 ayda ilk şəxsi görüş keçirilib. Onlar Kral ailəsinin Vestminster rezidensiyası olan Klarens-hauzda görüşüblər. Söhbət 54 dəqiqə davam edib və çay süfrəsi ətrafında baş tutub.
Daha sonra şahzadə Harrinin atası III Çarlz ilə Məkan Markl və övladlarının barışdırılması barədə düşündüyü xəbər verilib.
"Artıq aydın oldu ki, Harri bəzi hərəkətlərindən peşmandır. O, ailəsi və Britaniya xalqı ilə münasibətləri bərpa etmək istəyir. Bu, onların yenidən tam bir ailə kimi birləşməsi üçün başlanğıc ola bilər", deyə Daily Mail-in insayderi bildirib.
Poliqon.info
