1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bakının Xəzər rayonu Binə qəsəbəsində sürücülər yol hərəkəti qaydalarını kobud şəkildə pozublar.
Oxu.Az xəbər verir ki, bununla bağlı görüntü paylaşılıb.
Qeyd olunub ki, şəhərdən qəsəbə istiqamətinə gələn əsas yolda sürücülər kütləvi şəkildə yolun əks istiqaməti ilə hərəkət edərək, öz həyatları ilə yanaşı, digər hərəkət iştirakçılarının həyatını da təhlükəyə atıblar. Buna səbəb kimi isə yolun tıxac olduğu göstərilib.
Binə sakinləri bildiriblər ki, ümumilikdə, qəsəbə ərazisində sürücülər avtomobillərini çox təhlükəli idarə edirlər. Yol nişanlarının tələblərinə əməl edən çox az sürücüyə rast gəlmək olar. Hərəkət nizamlanmadığı və nəzarət edilmədiyi üçün qəsəbənin əsas yolu hesab olunan Əli İsazadə küçəsində tez-tez yol-nəqliyyat hadisələri baş verir.
Məsələ ilə bağlı aidiyyəti quruma sorğu verilib.
Əzizə İsmayılova
