1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"TikTok" sosial şəbəkəsində canlı yayım açaraq, azyaşlı övladına qarşı zorakılıq tətbiq edən qadın barədə araşdırma başlanılıb.
Bu barədə Oxu.Az-ın sorğusuna cavab olaraq Ailə, Qadın və Uşaq Problemləri üzrə Dövlət Komitəsindən məlumat verilib.
Qeyd olunub ki, hüquq-mühafizə orqanları tərəfindən azyaşlının anası polis idarəsinə aparılaraq, barəsində protokol tərtib edilib.
"Qərar verilməsi məqsədilə məhkəməyə göndərilib, uşaq isə dövlət uşaq müəssisəsinə yerləşdirilib. Hazırda yerli icra hakimiyyəti orqanı tərəfindən Ailə Məcəlləsinin 68-ci maddəsinə əsasən, qadının valideynlik hüquqlarının məhdudlaşdırılması ilə bağlı məsələ qaldırılıb", - deyə məlumatda bildirilir.
Xatırladaq ki, etdiyi hərəkətlərlə yeddiyaşlı övladının həyat və sağlamlığı üçün real təhlükə yaradan, Tərtər rayonunda qeydiyyatda olan, 1999-cu il təvəllüdlü Zəminə Qurbanova sentyabrın 18-də polis əməkdaşları tərəfindən Bərdə rayonunda müəyyən edilərək barəsində qanunamüvafiq tədbirlər görülüb.
Əzizə İsmayılova
