ain.az, Newscenter.az portalına istinadən məlumat verir.
Özbəkistan Çindən 100 ədəd elektrik avtobusu alıb. Bu, Daşkənd şəhərinin İctimai Nəqliyyatın İnkişafı və Yaşıl İqtisadiyyata Dəstək Proqramı çərçivəsində həyata keçirilir.100 elektrik avtobusunun ilk partiyası Çindən Özbəkistana yola düşüb. Onlar Qazaxıstan vasitəsilə çatdırılacaq. Bu barədə Nəqliyyat Nazirliyinin mətbuat xidmətindən məlumat verilib.Bu partiya çərçivəsində ümumilikdə 200 ədəd elektrik avtobusu və köməkçi avadanlığın alınması planlaşdırılır. Sentyabrın sonuna qədər bütün elektrik avtobusları tam təhvil veriləcək.Bu, “Özbəkistan - 2030” strategiyası və “Ətraf mühitin mühafizəsi və yaşıl iqtisadiyyat ili” dövlət proqramı çərçivəsində Daşkənddə ictimai nəqliyyatın inkişafı və yaşıl iqtisadiyyatın dəstəklənməsi üzrə irimiqyaslı layihənin tərkib hissəsidir.Bu satınalmalar üzrə ən yaxşı təklif müsabiqəsinin qalibi Çinin Yutong BUS Co., Ltd şirkəti olub. Müqaviləyə əsasən, elektrik avtobusları və köməkçi avadanlıqlar mərhələli şəkildə gətiriləcək. Layihə Çinin Eksimbankı və Özbəkistanın “Uzsanoatqurilishbank” ASC-nin maliyyə dəstəyi ilə həyata keçirilir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
