ain.az bildirir, Lent az saytına əsaslanaraq.
Hətta yaxşı planlaşdırılmış bir mənzildə də bəzən qarışıqlıq hökm sürür. Çox vaxt səbəb nə yer çatışmazlığı, nə də mebelin azlığı olur məsələ gündəlik kiçik vərdişlərdədir. Bu vərdişlər fərqinə varmadan yığılır və evi xaosa çevirir.
Hansı gündəlik vərdişlər evimizi və həyatımızı qarışıqlığa çevirir və niyə?
Lent.az bu 7 vərdişi təqdim edir:
1. Əşyaları hara gəldi qoymaq
Açarları stolun üstünə, paltarı stulun üstünə, fincanı pəncərənin altına qoyursunuz və artıq otaq fırtına keçmiş kimi görünür. Əgər əşyanın öz yeri yoxdursa, o, qaçılmaz olaraq qarışıqlıq yaradır. Adətən işdən yorğun gəldiyimiz üçün paltarları kresloya atırıq, amma həftənin sonunda qarşımızda dağ kimi yığılan paltar qalır və onu ayırmaq əsl sınağa çevrilir.
Məsləhət: Sadə qapaqlı səbət sizi xilas edə bilər yuyulacaq paltarları ora atın.
2. Lazım olduğundan çox almaq
Endirimlər və aksiyalar tez-tez şkaflarımızı anbara çevirir. Artıq əşyalar və müxtəlif xırda bəzəklər boş yeri tutur, təşkilatlanmanı çətinləşdirir və sıxlıq hissi yaradır.
3. Kiçik təmizliyi təxirə salmaq
Döşəmədə qalan qırıntılar, tökülən qəhvə və ya səpələnmiş dən xırda görünür. Amma dərhal silinməsə, ertəsi gün mənzərə həqiqi qarışıqlığa bənzəyir.
4. "Birdən lazım olar" deyib saxlamaq
Köhnə qutular, sınmış qablar, məktublar, kağızlar və lazımsız paltarlar yığılır və evi anbar kimi göstərir. Bu isə həm vizual, həm də psixoloji xaos yaradır.
5. Təmizliyi həftəsonuna saxlamaq
"Qoy həftəsonu yığışdıraram" demək əksər hallarda xaosun ikiqat artması deməkdir. Gündəlik nizamı qorumaq həftəsonu saatlarla yığışdırmaqdan qat-qat asandır.
“Ustalıq” üsullarından biri hər şeyi şkafa doldurmaqdır. Amma bu vərdiş həqiqi səliqə yaratmır. Bir neçə belə “təmizlikdən” sonra lazım olan bluzanı tapmaq çətinləşir.
6. Səthləri anbar kimi istifadə etmək
Masalar və tumbalar tez-tez “müvəqqəti polka”ya çevrilir. Amma müvəqqəti tez bir zamanda daimi olur və daimi qarışıqlıq təsiri yaradır.
7. Saxlama sisteminin olmaması
Əşyaların müəyyən yeri olmayanda onlar hər dəfə təsadüfi yerlərdə qalır. Bu səbəbdən təmizlik nəticəsiz olur, çünki xaos dərhal geri qayıdır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
