“Bir neçə gündür ki, Adnan Əhmədzadə barədə yazılara, videolara, sosial şəbəkələrdə paylaşımlara və rəylərə rast gəlirəm.
Bu adamı nə mən tanıyıram, nə də o, məni tanıyır. Mənim üçün maraqlıdır ki, onu vaxtilə ortaya çıxaranı, onu bu pillələrə qaldıranları, onun təklifini verənləri, ona “krışalıq” edənləri, tədbirlərdə onu qarşılayıb zala birlikdə girənləri, onunla görüşüb öpüşənləri, qol-boyun gəzənləri , restoranlarda kabab yeyib qədəh qaldıranları hansı cəza gözləyir? O “insanlar“ xəcalət təri tökürlərmi? Telefonlarına zəng gələndə özlərini necə hiss edirlər ?”
“Cebheinfo.az” xəbər verir ki, bunu sabiq deputat, Naftalanın sabiq icra başçısı Musa Musayev deyib.
Düşünürəm ki, hələ çox şeylərin üstü açılacaq və xəmir çox su aparacaq. Gözləyək, görək”,-deyə o bildirib.
