Macarıstan ABŞ-nin tələblərinə baxmayaraq, Rusiyadan neft almağa davam edəcək; çünki bu, ölkənin təhlükəsiz enerji təchizatını təmin etmək üçün vacibdir.
Operativ Media xəbər verir ki, Bunu Macarıstanın xarici işlər naziri Peter Siyarto Britaniyanın “The Guardian” qəzetinə müsahibəsində bildirib.
“Bizim üçün enerji təchizatı sadəcə fiziki məsələdir. Biz haradansa neft və qaz almağı xəyal edə bilərik, lakin yalnız infrastruktura malik olduğumuz yerlərdən ala bilərik. Fiziki infrastruktura nəzər salsaq, məlum olur ki, Rusiyadan tədarük olmadan ölkənin təhlükəsiz enerji təchizatını təmin etmək mümkün deyil”, — deyə o bildirib.
Macarıstanın diplomatik missiyasının rəhbəri Qərbi Avropa ölkələri ilə faktlara və sağlam düşüncəyə əsaslanan rasional dialoqun aparılmasının tamamilə qeyri-mümkün olduğunu və Qərb rəsmilərinin, onun sözlərinə görə, fanatik kimi göründüyünü də vurğulayıb.
Siyarto qeyd edib ki, Budapeşt və Brüssel arasında münasibətlər gərgin olaraq qalır, ABŞ ilə isə münasibətlər yaxşılaşıb. O əlavə edib ki, “ABŞ prezidenti sizin dostunuz olanda Brüsselin hərəkətlərindən asılı olmayaraq vəziyyət tamamilə fərqli olur".
