ABŞ prezidenti Donald Tramp radikal solçu partiya və təşkilatların koalisiyasından ibarət “Antifa” hərəkatını ABŞ daxilində “terror təşkilatı” adlandıran sərəncam imzalayıb.
Herbiand.az xəbər verir ki, bu barədə sentyabrın 22-də Ağ Ev məlumat yayıb.
“Reuters” agentliyinin məlumatına görə, bütün müvafiq nazirlik və qurumlara “Antifa” və onun sponsorları tərəfindən həyata keçirilən "bütün qeyri-qanuni əməliyyatları araşdırmaq və ləğv etmək" tapşırılıb.
“Antifa” Birləşmiş Ştatlarda muxtar anti-faşist və anti-irqçi qrupların ifrat solçu, mərkəzləşdirilməmiş hərəkatıdır. “Antifa” neonasizm və irqçiliklə mübarizə aparan təşkilatların və fərdlərin ümumi adı kimi qəbul olunub.
