Fələstin prezidenti Mahmud Abbas ölkədə prezident və parlament seçkilərinin keçirilməsinə sadiq olduğunu bir daha təsdiqləyib.
Ucnoqta.az xəbər verir ki, BMT-nin Nyu-Yorkdakı mənzil-qərargahında Yaxın Şərq sülh prosesi ilə bağlı yüksək səviyyəli beynəlxalq konfrans zamanı çıxış edərək, seçkilərin Qəzza zolağında tam atəşkəsdən sonra bir il ərzində keçiriləcəyini açıqlayıb.
Abbas həmçinin üç ay ərzində hakimiyyətin ötürülməsini təmin etmək üçün müvəqqəti konstitusiya layihəsinin hazırlanacağını açıqlayıb.
