1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bakı Ağır Cinayətlər Məhkəməsində seksual xarakterli zorakılıq hərəkətləri etmədə təqsirləndirilən Pənah Rəfiyevin (adı, soyadı şərtidir) cinayət işi üzrə məhkəmə istintaqı başa çatıb.
Oxu.Az Pravda.az-a istinadla xəbər verir ki, hakim Fərid Namazovun sədrliyi ilə keçirilən prosesdə hökm oxunub.
Məhkəmənin hökmü ilə o, 16 il müddətinə azadlıqdan məhrum edilib.
İttihama görə, təqsirləndirilən Pənah Rəfiyev 2024-cü ilin iyun ayından dekabrın 9-dək Bakı şəhəri, Suraxanı rayonu, Hövsan qəsəbəsində - yaşadığı ünvan yaxınlığında və icarə əsasında işlədiyi mağazada 2013-cü il təvəllüdlü, zərərçəkmiş S.S.-ə (adı, soyadı şərtidir) qarşı seksual xarakterli zorakılıq hərəkətləri edib. Hadisələr yeniyetmə oğlanın köməksiz vəziyyətindən istifadə etməklə təqsirləndirilən şəxsin seksual ehtirasını pozğun formada təmin etmək niyyəti ilə baş verib.
