Misli Premyer Liqasının V turu mövsümün ilk het-triki ilə əlamətdar olub.
Apasport.az xəbər verir ki, “Qarabağ”ın futbolçusu Toral Bayramov “Araz-Naxçıvan”la səfər oyununda üç qola imza atıb.
Bu, Toralın Premyer Liqada ilk het-trikidir. O, 1992-ci ildən keçirilən turnirin tarixində bir oyunda 3 qol vuran 108-ci futbolçu olub. Əvvəlki 33 mövsümdə 107 oyunçu 3 qollu matç keçirib.
Onun ikinci qolu Premyer Liqada 20-ci topu olub. Ölkə çempionatında 129-cu matçını keçirən Toral ümumilikdə 21 dəfə rəqib qapılarına yol tapıb.
İki dəfə penaltidən fərqlənən yarımmüdafiəçi Premyer Liqada 11 metrlik nöqtədən vurduğu zərbələrin ümumi sayını 10-a çatdırıb. O, bu imkanlardan 9-da dəqiq olub.
Qeyd edək ki, “Qarabağ” “Araz-Naxçıvan”a 5:0 hesabı ilə qalib gəlib.
“Neftçi” tilsimi qırdı: Mövsümdə ilk qələbə - YENİLƏNİB
Elmar Baxşıyev: “Əliyar Ağayevin qərarı ağır idi”
Qurban Qurbanov: “Oyunun gedişatından razı qaldım”
“Qarabağ” “Araz”ı darmadağın etdi - YENİLƏNİB
Günün canlı yayımlanacaq matçları - TV AFİŞA
