Türkiyənin “Fənərbağça” klubunda növbədənkənar seçki keçirilib.
Msport.az xəbər verir ki, İstanbul təmsilçisinə yeni prezident seçilib.
Mübarizə Ali Koç və Sadettin Saran arasında gedib. Klubun yaydığı açıqlamada bildirib ki, Ali Koç 12.068, Sadettin Saran isə 12.325 xal toplayıb. Beləliklə, “Fənərbağça”da Ali Koç dönəmi başa çatıb və bu vəzifə Sadettin Sarana tapşırılıb.
Qeyd edək ki, Ali Koç 2018-ci ildən “Fənərbağça” prezidenti idi. Onun dövründə klub uğursuluqlarla yadda qalıb.
