BAKI, 22 sentyabr, TELEQRAF
Fransanın planlaşdırdığı Fələstin dövlətinin tanınması, HƏMAS Qəzzada saxladığı girovları azad etməyənə qədər səfirliyin açılmasını əhatə etməyəcək.
Teleqraf xəbər verir ki, bunu Fransa Prezidenti Emmanuel Makron “CBS News”a müsahibəsində bildirib.
“Bizim üçün bu, məsələn, Fələstində səfirliyin açılmasından əvvəl çox aydın bir tələb olacaq", - Makron bildirib.
Fransa Prezidenti həmçinin gələcək suveren dövlətin bir hissəsi olmaq istəyən fələstinlilərin Qəzza zolağından çıxarılması ilə bağlı hər hansı plana qarşı qətiyyətlə çıxış edib.
“Əgər belə bir planın ilkin şərti onların çıxarılmasıdırsa, bu, sadəcə dəlilikdir. Biz - Amerika Birləşmiş Ştatlarına olan inam naminə, Fransaya olan inam naminə - belə bir layihədən açıq və ya gizli şəkildə məmnun ola bilmərik", - Fransa prezidenti əlavə edib.
