İsrailin baş naziri Benyamin Netanyahunun çox müzakirə olunan bu sözlərindən qısa müddət sonra diqqətəlayiq bir araşdırma ortaya çıxdı.
Turkustan.az xəbər verir ki, İsrailin Cənubi Koreya texnoloji nəhənginə məxsus telefonlara casus proqramlar quraşdırdığı iddia edilir.
Müvafiq olaraq, Təl-Əvivdə yerləşən Ironsource tərəfindən hazırlanan proqram bir çox telefon modellərində satılmadan əvvəl quraşdırılır. Bu proqram avtomatik olaraq Yaxın Şərq və Şimali Afrikada istifadəçi məlumatlarını toplayır. Toplanmış məlumatlara yer, barmaq izləri və IP ünvanları kimi həssas məlumatlar daxildir.
İstifadəçilər proqramı söndürə bilsələr də, onu tamamilə silə bilməzlər. Silinmiş olsa belə, yeniləmələrlə yenidən quraşdırılır.
Cənubi Koreya şirkəti hələlik son iddialara münasibət bildirməyib. Netanyahunun bazar ertəsi çıxışı məxfilik və məlumat təhlükəsizliyi ilə bağlı narahatlıqları artırdı.
İsrailin HƏMAS üzvlərinə qarşı bir neçə sui-qəsd cəhdində telefon siqnallarından istifadə etdiyi də iddia edilir.
Aytən Yaşar/ Turkustan.az
