Olke.az saytından verilən məlumata görə, ain.az xəbər verir.
Sosial şəbəkələrdən həddindən artıq istifadə psixi sağlamlığa mənfi təsir göstərə və depressiyaya yol aça bilər.
Ölkə.az xəbər verir ki, bu barədə psixoloq Qalina Gubanova “İzvestiya” qəzetinə danışıb.
Onun sözlərinə görə, risk qrupuna özünə qarşı həddindən artıq tələbləri olan insanlar daxildir. Belə istifadəçilər inanılmaz uğur qazanmış məşhur bloqerlərlə özlərini müqayisə edir və özlərinə çox yüksək planlar qoyurlar. Virtual aləmdəki ideal obrazlar insana əzab verir, qısqanclıq yaradır. Belə məzmunla özünü əhatə edən insan mənfi düşüncələri daha da gücləndirir.
Bundan başqa, bəzi istifadəçilər üçün sosial şəbəkələr real həyatdan daha vacib olur. Gubanova qeyd edib ki, virtual dünyaya aludə olmaq insanı reallıqdan uzaqlaşdırır, zəif və dayanıqsız sosial əlaqələr isə depressiyanı dərinləşdirir. “Virtual aləmdə biz həqiqi emosiyaları ‘ucuz dopaminlə’ əvəz edirik, başqasının həyatına dair illüziya isə təcrid olunma hissini gücləndirir”, — deyə o izah edib.
Sosial şəbəkələrə dərin aludəçilik insanı real fəaliyyətdən uzaqlaşdırır və bununla da özünəinamı gücləndirən nailiyyətlərdən alınan sevinc və məmnuniyyəti əldən alır. Başqa bir problem isə “doomscrolling” pis xəbərlərin nəzarətsiz və uzun müddət oxunmasıdır. Bu, stres yaradır, narahatlığı artırır və insana vəziyyəti idarə etdiyi illüziyasını verir.
Gubanova sosial şəbəkələrdə keçirilən vaxtı məhdudlaşdırmağı məsləhət görüb. Bunun üçün siqnalizator qurmaq və vaxtaşırı başqa fəaliyyətlərə yönəlmək olar.
Həmidə İbrahimova
Hadisənin gedişatını izləmək üçün ain.az saytında ən son yeniliklərə baxın.
