Monteneqro millisinin baş məşqçisi Robert Prosineçki istefaya göndərilib.
QOL.az xəbər verir ki, bu barədə Monteneqro Futbol Federasiyasının mətbuat xidməti məlumat yayıb.
Xorvatiyalı mütəxəssisin əvəzinə köməkçisi Mirko Vuçiniç təyin olunub. Onunla 2025-ci ilin sonuna qədər müqavilə imzalanıb.
Qeyd edək ki, Robert Prosineçki 2024-cü ildən Monteneqro millisini çalışdırırdı. O, 2014-2017-ci illərdə Azərbaycan milli komandasının baş məşqçisi olub.
