NATO-nun şimal-şərq sərhədi səbəbsiz yerə sınaqdan keçirilmir. Situasiyanı ciddi qəbul etməliyik.
Axar.az xəbər verir ki, bu barədə Litva müdafiə naziri Dovile Şakalene X səhifəsində yazıb.
“Qətiyyətli davranmalıyıq. Türkiyə 10 il əvvəl nümunə göstərdi. Düşünmək gərəkdir”, - deyə nazir bildirib.
Qeyd edək ki, 2015-ci ilin noyabrın 24-də Türkiyənin F-16 qırıcısı Suriya istiqamətindən hava sərhədini pozan Rusiyanın Su-24-nü vurmuşdu.
Bir neçə gün əvvəl Rusiyaya məxsus PUA-lar Polşa və Rumıniya hava məkanına daxil olub. Ötən gün isə Rusiya qırıcıları Estoniya və Polşa hava sərhədini pozub.
