ABŞ Senatı Mayk Valsı ölkənin BMT-dəki daimi nümayəndəsi vəzifəsinə təsdiq edib.
AFN.az xarici mediaya istinadən xəbər verir ki, Valsın namizədliyini 47 senator dəstəkləyib, 43 senator isə əleyhinə səs verib. Onun yuxarı palatada təsdiqlənməsi üçün sadə səs çoxluğu tələb olunurdu.
Amerika mediası əvvəllər Valsın Baş Assambleyanın sentyabrın 23-dən 29-dək Nyu-Yorkda keçiriləcək 80-ci sessiyasının yüksək səviyyəli həftəsi üçün vaxtında vəzifəsində olmaya biləcəyini yazırdı. Bu tədbir 23–29 sentyabr tarixlərində Nyu-Yorkda keçiriləcək.
Qeyd olunur ki, ABŞ-ın BMT-dəki daimi nümayəndəsi postu artıq səkkiz aydır ki, boş qalır. Hazırda ABŞ nümayəndəliyinə BMT yanında müvəqqəti işlər vəkili Doroti Şi rəhbərlik edir.
Vals 2025-ci ilin mayında ABŞ prezidenti Donald Trampın BMT-dəki daimi nümayəndə vəzifəsinə namizədliyini elan etməsi ilə eyni vaxtda prezidentin milli təhlükəsizlik məsələləri üzrə köməkçisi vəzifəsindən azad edilib.
BMT Baş Assambleyasının 80-ci sessiyasının əsas hadisəsinin sentyabrın 23-dən 27-dək və yenidən sentyabrın 29-da baş tutacaq yüksək səviyyəli həftə ərzində ümumi siyasət müzakirələri olacağı gözlənilir. Bu müddət ərzində ümumilikdə 195 nümayəndə heyətinin çıxışı gözlənilir.
