BAKI, 20 sentyabr. TELEQRAF
Rusiya qırıcıları Polşanın Baltik dənizindəki Petrobaltik hasilat platformasının təhlükəsizlik zonasına yaxınlaşıb.
Teleqraf xəbər verir ki, bu barədə Polşa Sərhəd Mühafizəsi özünün X sosial media səhifəsindəməlumat yayıb.
“Rusiya Silahlı Qüvvələrinə məxsus iki döyüş təyyarəsi Petrobaltik hasilat platforması üzərində alçaq keçid həyata keçirib”, - məlumatda qeyd olunur.
Hadisə ilə bağlı Polşa Silahlı Qüvvələri və digər xidmətlər məlumatlandırılıb.
Sentyabrın 19-da Estoniya Müdafiə Qüvvələrinin Baş Qərargahı bildirib ki, Rusiyanın üç MiQ-31 qırıcı təyyarəsi Vaindloo adası istiqamətindən ölkənin hava məkanını pozaraq orada təxminən 12 dəqiqə qalıb.
Eyni zamanda, təyyarələrin transponderlərinin söndürüldüyü, Estoniya hava dispetçerləri ilə ikitərəfli radio rabitəsinin olmadığı iddia edilir.
