ABŞ prezidenti Donald Tramp və birinci xanım Melaniyanı daşıyan helikopter Londonun Luton hava limanına planlaşdırılmamış eniş etmək məcburiyyətində qalıb.
AFN.az xəbər verir ki, bu barədə "The Independent" qəzeti Ağ Evə istinadən yazır.
Bildirilir ki, hadisə Tramp cütlüyü Britaniyanın baş naziri Keir Starmerin iqamətgahından qayıdarkən baş verib. Amerika liderini daşıyan helikopterdə kiçik hidravlik problem yaranıb. Ehtiyat tədbiri olaraq, təyyarənin Luton hava limanına endirilməsi qərara alınıb. Orada Tramp və həyat yoldaşı ehtiyat vertolyota köçüblər və orijinal təyinat məntəqəsi olan Stansted hava limanına doğru yola düşüblər.
Tramp sentyabrın 16-dan 18-dək Böyük Britaniyada ikinci dövlət səfərində olub. Sentyabrın 17-də o, Vindzor qəsrində III Çarlz tərəfindən qəbul edilib və sentyabrın 18-də ölkə iqamətgahında Çequersdə İngiltərənin baş naziri Starmerlə danışıqlar aparıb.
