“Arsenal”ın baş məşqçisi Mikel Arteta İngiltərə Premyer Liqasının V turunda “Mançester Siti” ilə keçiriləcək qarşılaşma barədə danışıb.
90deqiqe.Az xəbər verir ki, "BBC" çalışdırıcının fikirlərini belə çatdırıb:
“Əsas məqsəd yenidən qalib gəlmək və stabilliyi bərpa etməkdir. Biz dünyanın ən yaxşı komandalarından biri ilə üz-üzə gəlirik. Bu həm də öz səviyyəmizi yoxlamaq üçün yaxşı bir sınaqdır”
Hazırda “kanonirlər” APL cədvəlində 9 xalla ikinci yerdə qərarlaşıb, “şəhərlilər” isə 6 xalla səkkizinci pillədədir. Oyun bazar günü saat 19:30-da start götürəcək.
