Tramp Cənubi Koreyada Xi ilə görüşəcək və 2026-cı ildə Çinə səfər edəcək Avropa İttifaqı Komissiyasının sədri Ursula fon der Leyen Rusiyaya qarşı sanksiyaların 19-cu raundunu elan edib. Von der Leyen Rusiyanın son həftələrdə diplomatiya və beynəlxalq hüquqla bağlı mövqeyini tənqid edərək, “Rusiya müharibənin başlanğıcından bəri Ukraynaya qarşı ən böyük miqyaslı pilotsuz təyyarə və raket hücumlarını həyata keçirib, hökumət binalarına və mülki insanların evlərinə zərbələr endirib və AB-nin Kiyevdəki ofisini hədəfə alıb” deyib.
Avropa İttifaqının hava məkanının da pozulduğunu vurğulayan Von der Leyen, "Son iki həftə ərzində Rusiya pilotsuz təyyarələri həm Polşada, həm də Rumıniyada hava məkanımızı pozdu. Bunlar sülh istəyən birinin hərəkəti deyil. Rusiya prezidenti Vladimir Putin dəfələrlə gərginliyi artırıb. Buna cavab olaraq Avropa təzyiqini artırır. Ona görə də bu gün 19-cu sanksiya paketini təqdim edirəm".

Yeni sanksiyaların təfərrüatlarını açıqlayan fon der Leyen, "Rusiyanın müharibə iqtisadiyyatı qalıq yanacaqlardan əldə edilən gəlirlərlə təmin edilir. Biz bu gəlirləri azaltmaq istəyirik. Ona görə də Rusiyanın LNG (mayeləşdirilmiş təbii qaz) Avropa bazarlarına idxalını qadağan edirik. Artıq kranı bağlamağın vaxtıdır. Biz hazırıq" dedi.

“BU SƏHİFƏNİ TAMAMİLƏ BAĞLADIQ”
Xam neftin qiymətinin tavanının 47,6 dollara endirildiyinə diqqət çəkən von der Leyen, geridə qalan donanmaya aid daha 118 gəminin sanksiyalar siyahısına əlavə edildiyini və bununla da ümumi sayının 560-ı keçdiyini bildirib.

Von der Leyen böyük enerji şirkətlərinin əməliyyat qadağasına daxil edildiyini qeyd edərək, "Hazırda sanksiyaları pozaraq, neft almaqla Rusiya müharibəsini qızışdıranları təqib edirik. Çin də daxil olmaqla üçüncü ölkələrdəki neft emalı zavodlarını, neft treyderlərini və neft-kimya şirkətlərini hədəfə alırıq. Üç il ərzində Rusiyanın neft gəlirləri Avropada tamamilə 90 faiz azalıb" dedi.

Fon der Leyen maliyyə məhdudiyyətlərinə toxunaraq, "Rusiya və üçüncü ölkələrdəki digər banklara əməliyyat qadağası tətbiq edirik. Məhdudlaşdırıcı tədbirlərimiz ilk dəfə olaraq kriptovalyutaları əhatə edəcək və kriptovalyutalarla əməliyyatları qadağan edəcək. Biz Rusiyanın alternativ ödəniş xidmətləri sistemlərinə qoşulmuş xarici bankları siyahıya salırıq."

Von der Leyen texnologiya sahəsində yeni addımların atıldığını da qeyd edərək, "Müharibə səylərində istifadə edilən məhsul və texnologiyalara yeni birbaşa ixrac məhdudiyyətləri əlavə edirik. Rusiya və üçüncü ölkələrdə 45 şirkəti siyahıya salırıq. Bu şirkətlər Rusiya hərbi sənaye kompleksinə birbaşa və ya dolayı dəstək verir" dedi.

Sanksiyaların Rusiya iqtisadiyyatına təsirini vurğulayan Von der Leyen, "Faiz dərəcəsi 17 faizdir. İnflyasiya davamlı olaraq yüksəkdir. Rusiyanın maliyyə imkanları və gəlirləri daim azalır. Rusiya Ukrayna ilə ədalətli və davamlı sülh üçün danışıqlar masasına oturana qədər onlardan istifadə etməyə davam edəcəyik" dedi.

Von der Leyen Ukraynanı dəstəkləmək üçün dondurulmuş Rusiya aktivlərindən istifadə planını da xatırladıb: "Bu, Rusiyanın müharibəsidir və cinayətkar bunun bədəlini ödəməlidir. Biz Rusiya aktivləri ilə əlaqəli pul qalıqlarından istifadə edərək Ukraynaya "Kompensasiya krediti" verə bilərik. Rusiya kompensasiyanı ödədikdən sonra Ukrayna krediti qaytaracaq. Tezliklə təklif təqdim edəcəyik".

Sanksiyaların G7 tərəfdaşlarının sanksiyalarına uyğunlaşdırıldığını qeyd edən AB Komissiyasının sədri Von der Leyen nəhayət üzv ölkələrə səslənərək dedi: "İndi üzv ölkələri bu yeni sanksiyaları tez bir zamanda təsdiqləməyə çağırıram. Biz Rusiyanın döyüş meydanını tərk edərək danışıqlar masasına gəlməsini istəyirik. Bu, sülhə real şans vermənin yoludur".

Sanksiya paketinin həyata keçirilməsi üçün Aİ-yə üzv olan 27 ölkənin hamısının təsdiqi tələb olunur.

aia.az
Tərcümə şöbəsi

• Sanksiyalar
• Paketi
• Rusiyaya
• Ai̇