“Mançester Siti”nin hücumçusu Erlinq Haaland UEFA Çempionlar Liqasında daha bir tarixi nailiyyətə imza atıb.
90deqiqe.Az-ın məlumatına görə, norveçli forvard ötən gün baş tutan “Napoli” ilə qarşılaşmada (2:0) hesabı açaraq turnirdəki qol sayını 50-yə çatdırıb. Bu uğura o, 25 yaş 59 günündə nail olub.
Bununla da Haaland Çempionlar Liqasında 50 qola çatan ən gənc ikinci futbolçu olub. Turnirdə bu rekordu əlində saxlayan futbolçu isə “Barselona”nın sabiq ulduzu Lionel Messidir. Argentinalı forvard 24 yaş 284 günündə bu həddi keçmişdi.
