“ABŞ Prezidenti Donald Tramp və birinci xanım Melaniyanı daşıyan helikopter Londonun Luton hava limanına planlaşdırılmamış eniş etmək məcburiyyətində qalıb”.
Yeniavaz.com xəbər verir ki, bu barədə “İndependent” qəzeti Ağ Evə istinadən məlumat yayıb.
Qəzetin məlumatına görə, insident Trampların Böyük Britaniyanın Baş naziri Kir Starmerin iqamətgahından qayıdarkən baş verib. Amerika liderini daşıyan helikopterdə “kiçik hidravlik problem” yaranıb. Ehtiyat tədbiri olaraq, təyyarənin Luton hava limanına endirilməsi qərara alınıb. Orada Tramp və həyat yoldaşı ehtiyat vertolyota keçib və təyinat məntəqəsi olan Stansted hava limanına yollanıblar.