Almaniyanın hakim koalisiyasına daxil olan Xristian Demokrat İttifaqının üzvü Norbert Röttgen NATO-nun bütün şərq sərhədi boyunca “dron divarının” yaradılmasının zəruriliyini bəyan edib.
Publika.az xəbər verir ki, bu barədə "Reuters" məlumat yayıb.
"Bizim NATO-nun bütün şərq sərhədi boyunca pilotsuz təyyarələrdən müdafiəyə ehtiyacımız var. Beləliklə, bəli, bu divar baş verəcək", - Röttgen deyib.
"Gələcəyin ordusu artıq əvvəlki kimi deyil. Və bizim pilotsuz uçuş aparatlarının imkanlarına ehtiyacımız olacaq. Bu, müdafiə qabiliyyətimizin ayrılmaz hissəsinə çevriləcək", - siyasətçi vurğulayıb.
Eyni zamanda, Röttgen Ukraynanın hava məkanında pilotsuz təyyarələrlə mübarizə ideyasını dəstəkləmir, çünki bu, blokun ərazisindən kənarda NATO silahlarından istifadə etmək deməkdir.
