ain.az, Bakivaxti saytına istinadən bildirir.
Kabil ABŞ Prezidenti Donald Trampın Əfqanıstandakı "Baqram" hərbi aviabazasını onun nəzarətinə qaytarmaq niyyətini rədd edir.
Bakıvaxtı.az-ın "Al Jazeera"yə istinadən verdiyi məlumata görə, bu barədə Taliban XİN-in nümayəndəsi Zakir Cəlal sosial şəbəkələrdə yazıb.
O, həmçinin vurğulayıb ki, Kabil Vaşinqtonla dialoqa hazırdır, lakin Əfqanıstanda ABŞ-nin hərbi iştirakının bərpasına icazə verməyəcək.
"İki ölkə Birləşmiş Ştatların Əfqanıstanda hər hansı bir hərbi iştirakını saxlamadan bir-biri ilə qarşılıqlı əlaqədə olmalıdır", - o qeyd edib.
Z.Cəlal əlavə edib ki, Kabil "qarşılıqlı hörmət və ümumi maraqlar" əsasında Vaşinqtonla siyasi və iqtisadi əlaqələri inkişaf etdirməyə hazırdır.
ABŞ Prezidenti Donald Tramp sentyabrın 18-də bəyan edib ki, administrasiyası "Baqram" bazasının ABŞ nəzarətinə qaytarılmasında israr edir. ABŞ Prezidenti qeyd edib ki, bazanın mövqeyi Çinə yaxınlığı səbəbindən strateji əhəmiyyət daşıyır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
