"Mançester Siti"nin futbolçusu Erlinq Haaland yeni uğura imza atıb.
QOL.az xəbər verir ki, bu barədə Britaniya mətbuatı məlumat yayıb.
Erlinq Çempionlar Liqasının Liqa mərhələsinin 1-ci turunda "Napoli" ilə görüşdə fərqlənib. Nəticədə o, turnirdəki qollarının sayını 50-yə yüksəldib. Bununla da 24 yaş 356 günlüyündə olan forvard ÇL-də 50 qol həddinə çatan 2-ci ən gənc futbolçu adını qazanıb.
Rekord isə "Barselona"nın sabiq futbolçusu Lionel Messiyə aiddir. O, yubiley qolunu 24 yaş 284 gündə vurub.
